- როგორ ვიქცევით ზარალის დროს?
დაუყოვნებლივ უკავშირდებით მზღვეველს შემდეგ ტელეფონის ნომერზე: +995 32 224 44 54 და აწვდით ინფორმაციას.
- რა არის კორპორატიული დაზღვევა?
როდესაც სადაზღვევო ხელშეკრულება ფორმდება მზღვეველსა და იურიდიულ პირს შორის;
- რა არის საცალო დაზღვევა?
როდესაც სადაზღვევო ხელშეკრულება ფორმდება მზღვეველსა და ფიზიკურ პირს შორის;
- რას ნიშნავს მზღვეველი?
სადაზღვევო კომპანია რომელიც საქართველოს კანონმდებლობის შესაბამისად ეწევა სადაზღვევო საქმიანობას;
- ვინ არის დამზღვევი?
ფიზიკური ან იურიდიული პირი, რომელიც ხელშეკრულებას დებს მზღვეველთან;
- ვინ არის მოსარგებლე?
ფიზიკური ან იურიდიული პირი, რომელიც სადაზღვევო შემთხვევის შედეგად უფლებამოსილია მიიღოს სადაზღვევო ანაზღაურება;
- რა არის სადაზღვევო ხელშეკრულება?
ორმხრივი ხელშეკრულება, რომელიც ადგენს დაზღვევის პირობებს
- რა არის სადაზღვევო პოლისი?
მზღვეველის მიერ გაცემული, სადაზღვევო ხელშეკრულების არსებობის ფაქტისა და ამ ხელშეკრულების პირობების დამადასტურებული დოკუმენტი;
- რა არის სადაზღვევო პრემია ?
თანხა, რომელიც წარმოადგენს დაზღვევის საფასურს;
- რა არის სადაზღვევო შემთხვევა ?
შესაბამისი სადაზღვევო ხელშეკრულებით გათვალისწინებული სადაზღვევო რისკის დადგომით გამოწვეული ზიანი, რომელიც წარმოშობს მზღვეველის ვალდებულებას, გასცეს სადაზღვევო ანაზღაურება;
- რა არის სადაზღვევო რისკი ?
მოვლენა, რომელიც შეიცავს მისი დადგომის შესაძლებლობისა და შემთხვევითობის ნიშნებს და რომლის გამოც ხდება დაზღვევა;
- რა არის სადაზღვევო პერიოდი (დაზღვევის მოქმედების ვადა)?
პერიოდი, რომლის განმავლობაშიც დაზღვევა ძალაშია და რომლის დროსაც დამდგარი სადაზღვევო შემთხვევები ექვემდებარება ანაზღაურებას;
- რა არის ლიმიტი/ქველიმიტი?
თანხის ოდენობა, რომელიც წარმოადგენს სადაზღვევო ანაზღაურების მაქსიმალურ ლიმიტს. სადაზღვევო ლიმიტი შესაძლებელია იყოს განსხვავებული სადაზღვევო დაფარვების მიხედვით და განსაზღვრულია შესაბამისი ხელშეკრულებით/პოლისით;
- რა არის სადაზღვევო ანაზღაურება?
თანხა, რომელიც აუნაზღაურდება მოსარგებლეს განცხადებული პრეტენზიის დაკმაყოფილების შემთხვევაში;
- რა არის ფრანშიზა?
სადაზღვევო ხელშეკრულებით გათვალისწინებული, არანაზღაურებადი მინიმუმი (პროცენტულად ან ფიქსირებულად განსაზღვრული თანხის ოდენობა) რომლის ანაზღაურებისაგან მზღვეველი თავისუფალია. ფრანშიზა იქვითება ყოველი სადაზღვევო ანაზღაურების დროს;
- რა არის ტერიტორიული ფარგლები?
სადაზღვევო ხელშეკრულებით განსაზღვრული, დაზღვევის მოქმედების არეალი - საქართველოს ტერიტორია, გარდა ოკუპირებული ტერიტორიებისა, თუ პოლისით სხვა რამ არ არის გათვალისწინებული;
- რა არის გამონაკლისი?
გამონაკლისი შემთხვევა, რომელიც სადაზღვევო ხელშეკრულებით/პოლისის პირობების შესაბამისად არ ექვემდებარება ანაზღაურებას;